[A:181b]rgyas dpal grub kyis grib tshod pa/ mkhan chen dkon blo ba la sogs pa rnams kyis grogs dan dang kha skong mdzad nas/ smin drug zla ba'i tshes bcu'i nyi ma gung gi cha la dge tshul gyi sdom pa rnam par dag pa bzhes te/ de nas bzung dge tshul gyi bslab pa'i gzhi bcu char gtogs dang bcas pa thams cad mig gi 'bras bu ltar gces par srung bar mdzad cing / yang dgung lo bcu drug pa sa mo yos kyi lo la rje 'di nyid kyi thugs dgongs la sde snod kyi phyogs la mkhas grags thon pa zhig cis kyang mdzad dgongs pa shar nas mtshan nyid phyogs kyi gzhung mang du gzigs rtog mdzad pa'i tshe/ rje kun dga' dbang phyug pa'i zhal nas/ deng sang khyed la bar chad kyi ltas cung zad 'dug pas re zhig la gzigs rtog 'di 'then la/ dges pa rdo rje'i gzhi bsnyen cig cis kyang mdzad pa 'thad gsungs pa ltar/ dpon slob gnyis kyis gzims khang dmar mor sku mtshams mdzad pas/ zla ba gcig tsam song ba'i tshe/ rje 'di sku khams bde rgyu med tsam dang thugs yul du bde dog che rab byung ba'i skabs su thugs dam la rtse gcig tu 'bad pas/ lan cig nyi ma snga dro'i cha'i gzigs snang la phyag g.yas g.yon gyi gru mo nas sbrul nag po 'dom re tsam re mngon sum du 'thon pas/ de 'phral sku khams shin tu dwangs pa dang thugs dam gyi bogs kyang gzhan dang mi 'dra ba byung ste/ gzhi bsnyen kha skong gi sbyin sreg tshun chad kyang grub par mdzad/ de'i ring la rje sems dpa' chen po ngor la phebs pa'i zhor la rje 'di'i bu sgo'i 'gag tu phebs nas byin rlabs dang zhal bkod mang du