[A:181a]rlabs/ 'dod rgyal gyi rjes gnang / de gnyis dang 'brel ba'i yi ge ngor lugs mar grags pa cha tshang gi lung / nag po chen po lha brgyad/ dpal mgon zhal bzhi pa/ pu tra ming sring rnams kyi rjes gnang / de dag dang rjes su 'brel ba'i yi ge'i lung rdo rje 'chang kun dga' bzang po nas brgyud pa cha tshang / bdag chen kun rin pa nas brgyud pa'i thun mong ma yin pa'i man ngag 'ga' zhig dang bcas pa gsan te/ de'i skabs su rje btsun kun dga' dbang phyug pa des rje 'di la khyed kyis gdan sa'i 'dzin skyong tshul bzhin du mdzad de sde 'di la gang phan dang / khyad par rje sems dpa' chen po'i drung du ngor lugs kyi lam 'bras sogs gsan nas bstan pa la phan pa rgya che ba zhig mdzad dgos/ de bzhin ma mdzad na nga'i blo kha mi rdzogs pa yod do gsungs pa sogs lugs gnyis kyi sgo nas thugs brtse bas skyong bar mdzad cing / de nas dgung lo bco lnga pa sa pho stag gi lo mus chen sems dpa' chen po dkon mchog rgyal mtshan zhes mtshan yongs la grags pa de nyid/ e waM gyi gdan sa 'phrod nas mus la phebs pa'i lam zhor la/ grub pa mchog gi gnas bar sdings zhes bya bar gdan drangs te/ mkhan po 'dul ba 'bum sde'i mnga' bdag ngur smrig gi rgyal mtshan 'dzin pa yongs kyi gtsug gi nor bu sems dpa' chen po de nyid dang / rje btsun rdo rje 'chang chen po nyid ngur smrig gi rgyal mtshan 'dzin pa'i dpal gyi rnam par rol pa/ bdag chen chos kyi rje gzhi thog pa kun dga' dbang phyug pas las kyi slob dpon/ 'dul ba 'dzin pa sangs