[A:182a]mdzad/ khyad par kha skong gi sbyin sreg gi tshe lha sngags kyi grangs gtso che bas de cis kyang ma chad pa cig mdzod ces gsung ba phebs/ de nas slob dpon chen po sangs rgyas dpal grub pas thub pa dgongs gsal/ rigs gter rang 'grel/ dag ljon skor gsum/ kye rdor/ gsang 'dus la sogs pa'i phyag khrid sogs phul zhes grags la/ nyi lder chos rje ngag dbang grags pa'i drung du yang bde mchog gi dbang / bsam mi khyab kyi byin rlabs la sogs pa dbang lung man ngag byin rlabs la sogs pa du ma gsan cing / de nas dgung lo bcu dgu bzhes pa chu pho rta'i lo bdag chen kun dga' dbang phyug pa zhing gzhan du gshegs pa dang / de ma thag rje nyid kyis dge sdings nas phebs te rje btsun pa'i thugs dgongs rdzogs thabs kyang bsam gyis mi khyab pa sgrub par mdzad cing / gdan sa chen po'i rtsis bzhes kyang gnang ste/ de ltar dgung lo nyi shu'i bar du gdan sa chen po dge sdings/ bar sdings sogs gang dges su gsan sbyong thugs dam sogs mdor na thos bsam sgom gsum dus gcig tu nyams su bzhes par mdzad pa yin no/ /de nas rje btsun kun dga' dbang phyug pa'i zhal chem las ji ltar byung ba bzhin/ dgung lo nyer gcig bzhes pa shing pho spre'u'i lo mus la phebs par bzhed pa na/ ma rungs pa 'ga' zhig gis phyogs lhung gi dbang gis bzhed don la bar chad bya dogs pas/ thog mar skyed lhas su sku mtshams la phebs pa'i tshul mdzad/ de khog nas dpon slob nyung shas gdong dga' bar du zhabs