[A:180a]por phebs pa'i tshe/ bla ma yang rtse ba zer ba'i dpal mgon zhal gyi grub thob tu grags pa zhig gi gang zag gcig la zhal gyi rjes gnang byas pas/ 'khu ldog gi rnam pas khong pa zhal lkugs te ci bya gtol med du gyur nas rje 'di'i drung du thogs med du byon byung ba na/ mgo thog tu spyan drongs zer ba'i brda byed kyin 'dug pa na/ slob dpon dpal mchog pas rje 'di nyid pang du blangs nas khong gi dbu thog tu bzhag de ka'i mod la gsung khrol byung ba dang / mi phyed pa'i dad pa thob par gyur ces grags la/ de nas dgung lo brgyad pa'i dus su rje btsun gcen dang lhan cig tu dpal ldan sa skya'i chos grwa chen por che 'don legs par mdzad/ tshangs pa'i dbyangs lta bu'i gsung gis dam pa'i chos kyi bka' drin rtsal pas/ blo gsal mkhas pa'i tshogs rnams ngo mtshar zhing mi phyed pa'i dad pa thob par gyur/ de las gzhan pa'i skye bo rnams ni zhal mthong gsung thos pa'i bag chags khyad par can rgyud la bzhag cing / zang zing gi sbyin pas yid rab tu tshim par mdzad la/ slar yang dgung lo dgu pa nas bcu gsum pa'i bar du 'jam dbyangs chos rje de nyid kyi chag phyir nyang stod phyogs su phebs shing / slob dpon dpal mchog par grags pas kyang zur slob kyi tshul gyis zhabs tog mdzad/ rje de nyid kyi drung du rgyas pa'i bstan bcos tshad ma rnam 'grel dang / de'i dgongs 'grel gyi bstan bcos tshad ma rigs gter/ rgyal sras lam bzang / sdom pa gsum gyi rab tu dbye ba/ dbu ma rtsa ba shes rab la sogs pa gzhung lugs du ma zhig gsan