[A:180b]nas tshig don gyi cha la sgro 'dogs mtha' dag chod cing thugs su chud pa mdzad pa yin no/ /gzhan yang theg pa chen po'i sems bskyed/ gsung ngag rin po che cha tshang / rgyab chos pod nag ma'i lung / lam skor phyi ma brgyad/ bla ma'i rnal 'byor/ birWa pa'i byin rlabs srung ba dang bcas pa/ dpal dus kyi 'khor lo'i dbang dang / sbyor drug gi khrid/ gsang 'dus 'phags lugs kyi dbang / rigs lnga'i smar khrid/ gzhan yang gshed dmar lha lnga/ phyag rdor 'khor chen/ tshe dpag med bu lugs la sogs pa dbang gi rigs du ma dang / dam pa sangs rgyas kyi bka' 'bum gyi lung la sogs pa mdor na rgyud sde bzhi dang 'brel ba'i chos tshul bsam gyis mi khyab pa zhig gsan cing / de'i tshe dpal ldan sa skya nas bdag chen kun dga' dbang phyug pas gzhi thog gi gdan sar 'byon dgos pa'i zhal ta phebs/ 'jam dbyangs dkon mchog bzang po dang / rgyal rtse bas kyang bskor yang mthun sbyor yang dag mdzad de/ dgung lo bcu bzhi pa me mo glang gi lo la yab 'jam dbyangs nam mkha' rgyal mtshan dang / bdag chen grags pa rgyal mtshan pa khams nas byon pa dang lhan cig tu gdan sa chen por chag phebs te/ rje btsun kun dga' dbang phyug nyid rab tu dges pa'i gsung gis/ rje 'di chos kyi 'khor los sgyur ba'i rgyal tshab dam par dbang bskur/ de'i tshe rje btsun de nyid kyi drung du dpal kye rdo rje'i bka' babs bzhi'i dbang bskur ba sogs gsan cing / gzhan yang snga phyir bdag med ma'i dbang / nA ro mkha' spyod kyi byin rlabs/ ku ru kulle'i byin