[A:172b]su/ zhag kha cig nyin mtshan kun tu chos rje nyid lta stangs la 'byams 'gro ba cig 'dug pa mthong bas/ drung pa mnal du song ba ma lags sam zhus pas/ de min dag pa'i snang ba 'dra la 'byams pa yin gsungs pa dang / khong gis de rnams ji tsam nas byung lags zhus pas/ phyag g.yon pa bteg mdzad nas kha sing snga mo nas byung gsungs pa'i brda cig mdzad cing / gzhan yang der zhus na ngo mtshar ba mang po gsungs pa'i rigs su 'dug kyang sku shin tu dub pas khong gis zhu ma spobs zhes grags la/ de nas nyi shu gnyis kyi snga dro dge bshes rgyal bzang gis/ da rang gsol ba btab kyang mi thebs pa 'dug pas zhal ta'i bka' chems zhig thugs la 'dogs par zhu zhus pas/ de thams cad 'khrul snang yin pas dgos pa med gsungs nas ma gnang / slar yang nan gyis zhus pa na/ 'o na rung gsungs nas drung na gnas pa kun la 'di phyir phan pa'i bslab bya du ma zhig dang / khyad par du ngas lo bcu bdun pa la rab tu byung nas da lta phan chad la 'dul khrims 'di la shin tu yid ches par yod pas/ nga la rab tu byung ba dang bsnyen par rdzogs pa thams cad yid ches brtan du rung ba yod ces nan tan du gsungs shing / gzhan yang thugs dgongs kyi snying po gdan sa chen por bla ma gong ma'i dus mchod rnams ma chag par sgrubs zhes gsungs shing / de nas nyer gsum gyi snga dro'i dus su gsol ja ba bsod nams 'phel gyis gsol 'jam zhig zhu bar phyin pa'i tshe/ sku nyam shin tu chung bar song ba mthong nas/ da do srod tsam las mi bzhugs pa 'dra snyam sems khong