[A:173a]du chud nas zhal ras la cung zad cig bltas pas/ chos rje'i thugs kyis mkhyen nas/ da dung zhag gsum mi skyon pa yod gsungs/ de nas zla ba de kha'i nyi shu lnga'i snga dro drung na gnas pa rnams kyis gsol ba sogs la nan ji tsam zhus kyang / 'o de ring ye mi bza'/ sang nas khyed rnams gang zer zos pas chog gsungs nas gtan gsan du ma 'dod/ de nas zla ba drug pa'i nyi shu lnga'i snga dro sa chen po 'di yang rab tu g.yos/ nam mkha' las sgra dang rol mo'i sgra yang mang du grag cing / khyad par skyid smad phyogs na gnas pa thams cad mthun snang du grub par/ bsam yas kyi thad ka tsam du yid gdung bar byed pa'i sgra zhig gsal bar thos pas skyes bu chen po de mi bzhugs pa'i ltas su go zhing / gzhan yang de'i nyin sngon chad sus kyang tshor ma myong ba'i dri zhig kyang kun gyi mthun snang du grub par tshor bar byung ste/ de nas nyi shu lnga'i nyi ma phyed tsam la mchod pa dang gtor ma bzang po shom gsungs pa la/ drung na gnas pa rnams kyis bka' bzhin bshams pas/ sngags dang / phyag rgya dang / ting nge 'dzin gyi byin rlabs rgyas par mdzad/ yi dam mang po la sngags dang phyag rgya mang po mdzad nas phul te/ gsol 'debs dang smon lam mang po zhig mdzad nas dgongs mo'i cha la babs pa na/ do nub mar me gsal po grabs kyis khyed rnams la brel ba cig yong nyen yod gsungs shing ji srid snyung ba'i tshe yang thugs dam gyi rim pa rnams chag pa'i skabs ma mchis shing / khyad par nyer lnga'i dgongs phyogs kyi tshe rgyun gyi thugs dam gyi rim pa rnams