[A:170b]nas yos lo zla ba gsum pa la babs pa na/ chos rje nyid la rtse gcig pa'i dad pa dang ldan pa rgya ma dpon grags zhes pas zhu ba po mdzad de/ dus 'khor gyi dbang yongs rdzogs zhus pa na gnang bar zhal gyis bzhes te/ chos rje'i zhal nas phyis cho ga byed pa mi 'ong pas/ sngar gsol ba 'debs pa'i phyogs phyogs kyi dge bshes rnams la yang 'phrod thong khong rnams la phyogs gcig tu byed gsungs nas/ de nas dbus kyi sdom brtson sde snod 'dzin pa chen po du ma la dus kyi 'khor lo sku gsung thugs yongs rdzogs bdag po chen po rdo rje slob dpon gyi dbang dang bcas pa gnang nas/ chos rje'i zhal nas/ 'o yang yang cho ga byed pa mi yong bas khyed rnams la skad btang ba yin cing / rgya gar gyi dkyil chog so so dang / bod kyi ra 'bro la sogs pa'i bla ma rnams kyi bzhed srol rnams kyang ma 'dres par byas pas rang gzhan gyi don rgya che bar bsgrub mdzod gsung ba'i zhal lta yang gnang / de'i skabs su yang nam mkha' la me tog gi char chen po yang babs/ de nas tshes bcu dgu'i nyin 'jang yul du bzhugs pa'i nub mo mnal lam du/ mi ma yin gyi gzugs mang po cig sku mdun du byung nas gral 'dra ba cig byas nas/ nged rnams la zhu rgyu cig yod zer zhing / de'i nang gi bud med cig la khyed kyis zhu ba gyis la 'di nas gzhan du mi 'byon par gsol ba thob ces zer zhing 'dug pa zhig byung ba la/ bud med de rang chos rdzong gi gzhi bdag ma de yin pa'i rigs su 'dug gsungs pa la/ chen po dge slong pas de ltar na da dung yang byon pa mi 'thad lags sam zhus