[A:170a]rtsang ra ga brag tu ltas 'di lta bu byung zhes rgyu mtshan dang bcas nas gsungs te/ de nas blo 'gyur ba zhig byas nas nges 'byung yang cher song bas bskul te dge sbyor yang 'phel bar byung / rmi lam du zhing khams sbyong ba la sogs pa sngar re 'thad yod pa la/ bar skabs su byed pa ma byung yang / kha rtsang nas rtsol med du sngar las kyang gsal tsam byung / da nga'ang yun ring mi sdod pas na ning dgos zer ba'i kye rdor nas gling ma'ang da lan byas pa 'thad gsungs nas gnang / bla ma gong ma'i dus mchod kyi sgrub mchod de nga rang yod pa da lan 'dir byed rtsis su yod pas khyed kyang bzhugs gsungs pa dang / der bla ma gzhon nu rgyal ba thugs shin tu ma bde nas/ chos rje nyid da dung bstan pa dang sems can la dgongs nas yun ring du bzhugs pa'i sku rim dang rten 'brel thugs la 'dogs par zhu zhus pas/ da lo yang mang po song / rim gro yang gang yod btang zin/ sa skya'i bla ma gong ma'i sku 'bum de rnams la zhig bzos shig byed snyam pa yod na'ang ma grub/ de ma gtogs gzhan blo'i lhag ma lus pa med ces pa la sogs pa zhing gzhan du 'byon pa'i gsung mang po zhig gsungs shing / de nas zla ba bcu gcig pa la 'jang gi gtsug lag khang du bla ma gong ma'i dus mchod la/ dus 'khor/ rdor dbyings/ bde kye la sogs pa gsang sngags zab mo'i sgrub mchod dpon slob du mas zhag dgu'i bar du bsgrubs nas/ de grub pa na thugs shin tu dges te/ 'o des rang re'i bya ba thams cad rdzogs par grub pa yin gsungs/ de