[A:171a]pas/ chos rje'i zhal nas de la phyin pa dang bsdad pa la khyad med gsungs/ de'i tshe sngar dus 'khor gyi dbang gnang ba nas bzung sku cung zad snyel ba zhig yod pa na/ snye thang du jo bo'i sku 'bum la phyag dang mchod pa mang po mdzad/ lam du 'o shang rdo'i gtsug lag khang gzigs pa la yang phyag mchod mang po mdzad de rim gyis bsam yas su byon te/ de'i lam bar du sngar phar phyin gyi TI ka lung zhu ba'i dge bshes 'ga' zhig la yang sku khams kyis mi lcogs bzhin du de'i lung yang gnang zhing / de nas bsam yas su mkhan po bo dhi sa twI dbu thod kyi drung du phyag mchod dang smon lam 'debs pa la sogs pa nyin re bzhin mdzad pas/ drung na gnas pa rnams kyis ma bzod par 'di tsam gyis phyag mchod skus mi lcogs tshul zhus pas/ da lta phyag 'tshal nus ring la ma byas na/ da rang 'tshal mi thub pa myur du yong ba'i nyen yod gsungs nas/ gsan du ma 'dod par phyis sku shed ye med par phyag 'tshal ba'i nus pa med pa'i skabs su yang dbu dud pa re mdzad nas phyag gi tshul dang / smon lam 'debs pa sogs nyin re bzhin ji srid ma gshegs kyi bar du mdzad/ de nas zla ba bzhi pa'i tshes nyi shu skor cig na/ yang chos rje'i gsung gis dge bshes rgyal bzang la/ mdang lha'i cha byad mang po gdugs dang rgyal mtshan la sogs pa mchod pa'i bye brag mang po dang bcas te rin po che'i khri cig khyer byung nas dga' ldan du bla ma gdan 'dren pa yin zer nas yus che ba ltar 'dug pa'i snang ba cig byung / kha sing yang 'di 'dra ba byung / cung zad