[A:162b]'jigs pa las grol te/ snga gong bdag nyid chen po rang gi mnal lam du/ hor 'ga' zhig gis sgor mo lung med pa zhig phul ba rmis te/ mnal sad nas thugs dgongs la hor gyi gdan 'dren cig yong ba 'dug kyang 'gro mi dgos pa 'dra snyam pa byung gsungs pa yang ji lta ba bzhin du byung zhes grags la/ de lta bu'i bla ma dam pa 'di ni lung rtogs kyi yon tan bsam gyis mi khyab pas rgyud phyug pa'i bla ma rnams dang / yi dam chos skyong la sogs pas zhal ston cing byin gyis brlabs pa yin te/ de yang dgung lo nyi shu skor cig bzhes pa'i skabs su mnal lam du/ chos rje sa skya paNDi ta yin zer ba'i sku gzugs ring po byas pa/ na bza' ther lcam dur kha gsol ba cig rmis te/ mnal sad pa na chos rje pa na bza' ser po rang e bsnams na snyam the tshom 'khrungs shing yod pa na/ dus phyis dpe khang na chos rje pa'i na bza' ther lcam dur kha da lta'i mi gzugs ring po min pas mi rdzogs pa cig byung bas sngar gyi mnal lam dran gsungs shing / yang skabs shig na paN chen shAkya shrI yin zer ba'i dge sbyong gzugs ring po byas pa la sha byin gyi cung phra ba/ ras rdo tshos kyi 'phyar bu bsnams pa/ phrag chung zed pa dbyibs mkhan chen dharma shrI 'dra ba cig dang mjal nas chos gsan pa'i mnal lam byung ba dang / yang lan cig ding ri glang 'khor yin nam snyam pa cig tu pha dam pa yin zer ba'i rnal 'byor pa sha rgyas po byas pa'i a tsa ra gzi brjid can zhig dang mjal nas chos gsan pa rmis te/ de dus mkhan chen bu ston pa la zhi byed kyi skor rnams ched du gtad nas zhu bsam pa