[A:162a]bar mdzad cing / de ltar skyes bu dam pa 'dis snyan pa'i grags pas phyogs thams cad khyab pa la brten dgung lo nyer bdun bzhes pa'i tshe lo gcig gi nang du hor gyi gdan 'dren theng gsum byung ste/ sngar bla ma na bza' brag phug pas hor yul du byon na sku tshe ring po mi yong gsungs pa thugs kyi dkyil du bzhag nas thabs lam sna tshogs pa zhig mdzad cing / dbus gtsang gi sde dpon rigs du mas spyan drangs te bsnyen bkur zhing / zab rgyas chos kyi sbyin pa phul du byung ba yang gnang zhing / khyad par gdan 'dren pa'i gser yig pa rnams dang bcas lha sar phebs/ jo bo rin po che la gser chab gsol/ bstod pa sdeb legs rgyan gyis bkra ba zhig mdzad pas/ nam mkha' las 'ja' dang me tog gi char la sogs pa ngo mtshar ba'i ltas du ma byung bas thams cad ngo mtshar du gyur/ de nas gung thang nas gdan 'dren pa'i pho nya mngags pa dang der phebs nas zla ba drug tsam bzhugs/ de nas yang skabs shig bsam yas su mkhan po bo dhi sa twa'i dbu thod gdan drangs te gzungs dang rten khyad par can mang pos nang rdzong mdzad nas bstod pa khyad par du 'phags pa zhig dang / mchod pa'i bye brag bsam gyis mi khyab pa mdzad pa'i tshe'ang nam mkha' las me tog gi char 'bab pa dang / lha'i rol mo'i sgra grag pa la sogs pa shin tu ngo mtshar ba du ma byung bas/ gser yig pa rnams kyang shin tu ngo mtshar zhing mi phyed pa'i dad pa thob par gyur cing / de nas 'od zer can gyi sgrub pa la sogs pa thabs du ma zhig mdzad pas rim gyis gser yig pa'i