[A:163a]med na'ang / nyin gcig mkhan chen pa'i gsung gis/ ngas zhi byed kyi skor rnams nga rang gi khu bo la thob gsungs pas rkyen byas nas zhu ba'i 'dun pa byung ste zhus pa de la lta ba 'dra gsungs pa dang / gzhan yang chos kyi rgyal po 'phags pa la sogs pa bla ma gong ma du ma'i zhal gzigs lung bstan dbugs 'byung zhing / yang bla ma ti shrI kun dga' rgyal mtshan sku gshegs nas/ rgyal pos bla ma 'di spyan 'dren gyi gser yig pa byung ba'i skabs shig na/ de'i gnas tshul gsan pas sa skya na chos gsungs 'phro la sus kyang ma tshor bar phyogs gzhan du 'byon par brtsams te kha'u'i lam brgyud nas dgas por byon pa na/ kha'u'i nyin kha ba chen po babs pa'i lam kha na/ spyang kis phyin rjes 'dra ba sems can gang yin mi shes pa cig gi rjes shig 'dug pa de brtsad nas byon pas/ de'i nyin nas bzung ste dgas por ma byon gyi bar du sems can de'i rjes de 'dug pa la byon pas lam bde bar byung / de rang chos skyong gi rnam 'gyur cig cis kyang yin pa'i rigs su 'dug ces gsungs shing / yang lan cig chos rje bla ma 'dis 'phan yul gyi gyog nang du zhag mal mdzad pa'i nub mo/ chos rje rang dang dpon yig manydzu shrI gnyis spel go gcig 'dug pa'i thib 'og tu gzims/ dge slong bzang rgyal pas phyogs gcig tu chu len snod dngul dam cig yod pa sngas 'og tu bcug nas nyal ba'i tshe/ gnas tshang de pas mtshan phyed tsam na dngul dam sngas 'og nas khyer song ba tshor nas rjes gcod la brgyugs pas/ gnas tshang gi mi rnams kyis rdo