[A:159a]mar dpal dges pa rdo rje yab bka' yum bka' gnyis kyi rgyu dbang zab mo dang / de nas dges pa rdo rje yab yum gyi lus dkyil kyi dbang dang / gsung ngag rin po che'i gzhung khrid yongs su rdzogs pa cha lag dang bcas pa nyams khrid du gsan nas/ de'i dus su rten 'brel bsgrigs pa'i phyir bla ma brag phug pa nyid kyi gzim mal du chos rje nyid thugs dam mdzad cing nyams khrid skyong bar bzhugs su gsol ba na/ ting nge 'dzin gsum skyon med thugs la 'khrungs pas/ bla ma brag phug pa'i gsung gis/ rang re tshos lo dang zla bar bsgoms pa bas/ drung pa 'dis zhag re bsgom pa ting nge 'dzin gyi skye tshul bzang bar 'dug 'di ni tha mal par mi 'dug ces gsungs pa sogs kyi sgo nas bsngags pa yang cher mdzad pas thams cad ngo mtshar du gyur/ de ltar bla ma de'i drung du snga phyir gsung ngag gis thog drangs/ gzhan yang bde mchog lU nag dril gsum/ gshed dmar lha bcu gsum ma/ 'jigs byed rwa lugs/ mahA mA yA/ sgrol ma lha bcu bdun ma la sogs dbang bka'i rigs du ma dang / rigs gsum spyi gtad/ rim lnga'i byin rlabs/ phyag rgya chen po yi ge med pa/ brda don gsal ba/ ku ru kulle'i byin rlabs la sogs pa byin rlabs kyi rigs du ma dang / nA ro mkha' spyod/ mai tri mkha' spyod/ phag mo las bcu rnams kyi byin rlabs dang / gzhan yang zhi byed so nas brgyud pa'i byin rlabs dang / seng gdong can gyi rjes gnang / rje btsun sa skya pa'i chos skyong che chung gnyis kyi rjes gnang / 'jam dpal blo