[A:159b]'phel gyi rjes gnang la sogs pa rjes gnang gi rigs du ma dang / gzhan yang rje btsun gong ma gsum gyi gsung 'ga' re dang / chos rje khu dbon gyi gsung 'bum phal che ba'i lung dang / gzhan yang sa skya pa'i lugs kyi gegs sel 'phrul 'khor rlung sbyor dang bcas pa ste mdor na dbang khrid lung man ngag la sogs pa du ma zhig dang / de dag gi phyag len phra mo tshun chad kyang ma 'dres par yongs su rdzogs par gsan nas thugs su chud par mdzad pa dang / sngar bla ma gzhan las thob pa du ma yang 'di nyid la bskyar nas gsan par mdzad pa yin la/ de ltar mdzad pa'i rgyu mtshan yang chos rje nyid kyi gsung las/ bla ma 'di ni rje sa skya pa nas brgyud pa'i chos skor la byin rlabs kyi rgyun ma chad cing / dam tshig gi sel cig kyang ma zhugs pas byin rlabs kyi bka' babs pa'i sgo nas bskyed rdzogs kyi ting nge 'dzin khyad par can thugs rgyud la 'khrungs shing / bla ma gong ma'i phyag len rdo rje dril bu 'dzin tshul tshun chad kyang ma 'dres par skyong ba'i brgyud pa rnam par dag par 'dug pas/ ngas sngar gzhan du thob pa'i sa skya pa'i chos mang po'ang slar bskyar nas zhus zhes gsungs pa ltar dang / khyad par du bla ma de nyid kyi drung du nA ro mkha' spyod kyi rdzogs rim rtsa dbu ma bskyangs pa'i skabs/ gtum mo'i dmigs pa skyong ba'i dus su 'bad rtsol cher ma dgos par lus thams cad mer 'bar ba snyam byed pa'i nyams bzang po skyes shing / deng sang yang skabs la lar 'ong gi 'dug ces chos rje nyid kyis gsungs pa ltar gyi bla ma brag phug pa 'di nyid bla ma gzhan las spangs