[A:157a]dang / rdo rje 'phreng ba la sogs pa'i dbang bka' dang / gsung ngag lam 'bras la sogs pa khrid dang / gzhan yang byin rlabs dang / man ngag dang / rgyud 'bum gyi lung la sogs pa bla ma de la bzhugs pa phal che ba gsan cing thugs su chud par mdzad do/ /de nas dgung lo bcu bdun pa la gangs can gyi 'dul ba 'dzin pa chen po jo gdan tshogs pa'i mkhan po bsod nams grags pa la mkhan po zhus/ slob dpon mkhas mchog dpal ldan seng ges mdzad cing / grib tshod pa bla ma bzang po bas mdzad de rab tu byung nas bsod nams rgyal mtshan dpal bzang po zhes bya bar mtshan gsol/ de nas dgung lo nyi shu pa'i dus sngar gyi mkhan slob gnyis dang / grib tshod pa bla ma don gsal ba/ grogs dan pa bla ma grub rgyal ba la sogs pa dad pa'i dge 'dun mkhas shing btsun pa/ bstan pa 'dzin pa'i gnas brtan chen po bcu bdun tsam gyi dbus su/ bo dong bya rgod gshong gi gtsug lag khang du gcen 'jam pa'i dbyangs don yod rgyal mtshan dang mched gnyis kyis bsnyen par rdzogs par mdzad cing / mkhan chen bsod nams grags pa dang / mkhan chen bsod nams bzang po gnyis kyi drung du 'dul ba mdo rtsa/ lung sde bzhi la sogs pa 'dul ba'i cha lag lag len dang bcas pas thog drangs/ chos kyi rnam grangs du ma gsan te/ de nas bzung ste phyi dro'i kha zas dang sha chang zhal la mi reg pa dang / de dag la sogs pa nyes ltung phra mo la'ang khyad du mi gsad cing / pham lhag sogs kyi nyes pas gtan gos ma myong zhes kyang khum