[A:157b]mo/ /yang lo tsA ba chen po dpang blo gros brtan pa'i drung du dgung lo bcu dgu pa la dpal ldan sa skya'i seng ge sgang gi mdun gyi khab ces pa'i khang bzang zhig tu/ gcen 'jam dbyangs don yod rgyal mtshan pa dang gnyis kyis mngon pa kun las btus kyi bshad bka' dang / gzhan yang 'phags pa klu sgrub kyi bstod tshogs la sogs pa dang / dgung lo nyer gcig bzhes pa'i tshe rin chen sgang bla brang du dbu ma rtsa ba shes rab 'phags pa klu sgrub kyis mdzad pa dang / de'i tshig gi 'grel pa tshig gsal du grags pa dang / don gyi 'grel pa dbu ma 'jug pa dpal ldan zla ba grags pas mdzad pa rang 'grel dang bcas pa dang / dbu ma bzhi brgya pa 'phags pa lhas mdzad pa 'grel pa dang bcas pa la sogs pa dbu ma'i gzhung lugs mtha' yas pa zhig dang / gzhan yang 'khor lo bde mchog lha lnga lha bcu gsum ma sogs kyi sgrub thabs kyi lung dang / yang gshin rje gshed kyi skor du ma dang / sgrol ma'i sgrub thabs las tshogs dang bcas pa rnams gsan cing / dgung lo nyer gnyis bzhes pa na bo dong er lo tsA ba de nyid kyi drung du sa'i dngos gzhi/ mngon pa kun las btus kyi 'grel pa rgyal sras ma dang byams chos phyi ma bzhi 'grel pa dang bcas pa dang / nyi shu pa rtsa 'grel/ sum cu pa rtsa 'grel la sogs pa dang / yang dgung lo nyer gsum pa'i dus su bo dong gi byang chub lung zhes bya ba der mngon pa kun las btus kyi bshad pa'i dbu btsugs nas dpal ldan sa skya'i chos rje lo tsA ba nyid kyi gzim khang du de'i 'phro gsan nas/ 'di'i drung du mngon pa kun las btus kyi bshad pa