[A:136a]bzo rgyun mthun pa rkang gang pa'i tshad tsam pa 'khrul med de nyid/ bar skabs su lha sa rdzong pa'i lag tu 'khyar pa/ rje btsun dam pa kun dga' grol mchog gi phyag tu byung nas smon 'gror bzhugs pa de nyid/ dus phyis sa skya pa sngags 'chang ngag dbang kun dga' bsod nams bdag gi lag tu rtsol med du byung ba 'di yin no/ /de nas pur rus nag por byung ba dang / lhag par bla ma gshegs pa'i gtam rgya yul du skyel bar phyin na rgyal po'i chad pa 'ong zer nas sus kyang 'gro ma 'dod pa la/ gdung rus rnams la ba so brdungs nas bsres te/ ti shrI grags pa 'od zer bdag nyid chen po'i mchod dpon yin pas/ de na re/ da chad pa byung yang bla ma'i ched yin pas ngas phyin gyis gsungs nas sku gdung la khrus gsol mdzad kyin phebs te/ rgyal po dang nye ba'i sa zhig tu bla ma 'phags pa'i thugs dam gyi rim pa ji lta ba bzhin mdzad nas bzhugs pas/ de rgyal pos gsan nas ci zer nga'i bla ma'i thugs dam gyi rim pa 'dra ba la ltos shog gsungs/ blta ba la yong bas khong yin par shes nas rgyal po la zhus pas/ yar gdan drongs gsungs nas/ bla ma gshegs tshul gsungs nas gzhan chos kyi gsung gleng mang du mdzad pas/ rgyal po dad pa skyes te chos mang po zhus/ dpon slob tu gyur nas gsang rtol bas rgyal pos sku gdung dbu thog tu bzhag nas gsol ba mang du btab pas/ sku gdung thams cad ring bsrel du song nas ba so rnams la 'di nga'i bla ma'i gdung min zer nas phyir dor/ de nas bod la yang gdung skal gnang zhes