[A:135b]mkha' las sil snyan du ma'i sgra dang / sngar tshor ma myong ba'i spos kyi dri zhim po dang / me tog gi char du ma 'bab pa la sogs pa lha rnams dges pa'i mchod pa'i bye brag gis sa chen po 'di yongs su khyab par gyur to/ /de nas sku gdung bzhu la phul bas/ bla ma 'di mnga' thang shin tu che ba la brten nas gtsug lag khang mang du bzhengs pa/ rgya bod kyi bar la yang yang 'byon 'grul sogs lugs gnyis kyi gnang skyong ches che ba'i khral 'u lag sogs la mi sde skal dman rnams ma dad pa'i dam tshig gi nyes pa cung zad kyi rnam pas gdung rus phal cher nag por byung zhing / de'i tshe slob dpon grags pa gzhon nu bya ba 'jam dbyangs sngon por grags pas gdung khang zhal ma phyi ba la drung du phyin nas/ rang nyid kyi dbu zhal ba la brdab ste yus pa'i tshul du gsol ba drag tu btab pas/ gdung khang gi gseng bug gcig nas sol ba rdog po gcig 'phir byung ba na/ de brad pas phyag gi mthe bong gi tshigs kyi gdung rus gcig la khab phra mo tsam gyi rigs lnga bzhengs sku'i rnam pa tsam byon pa slar yang gsol ba btab pas zhal phyag rgyan la sogs pa shin tu gsal bar byon/ de nyid shang grud kyi dgon pa rin chen mdzod kyi lha khang na slob dpon grags gzhon gyi nang rten thub pa'i sku'i nang na bzhugs so zhes kyang grags shing / yang lo rgyus gzhan las phyis 'ga' zhig gis gdung de bzhugs pa'i sku de bshas nas deng sang brgya tsho ba'i lag na yod par gsung mod kyang / gdung rus ngo mtshar can de nyid bzhugs pa'i thub dbang gi sku lha khang chen mo'i 'dzam gling g.yas bzhag dang