[A:135a]gsal bar byung zhes gsungs pa la sogs pa de lta bu'i ngo mtshar ba'i tshul du mas nyin mtshan 'da' bar gyur cing / bla ma chos kyi rje'i dus kyi mchod pa yang zla ba bcu pa'i tshes gcig nas bzung 'dzugs par mdzad/ thugs dam mchod pa sogs sngar bas lhag par gya nom pa mdzad pa la/ drung na gnas pa thams cad kyis chos rje'i dus mchod sngar nas zla ba bcu gcig pa la mdzad pa ma lags sam zhes zhus pas/ de bzhin yin mod kyi/ bla ma chos kyi rje la gsol ba 'debs pa ni zla ba re tsam byed pa dam bcas pa yin pa la/ bcu gcig pa'i zla ba tshang bar maNDal 'bul ba la sogs ma byung dogs nas bsu ba yin mod gsungs nas/ zla ba bcu gcig pa'i tshes bco brgyad kyi bar du tshogs su byon nas chos kyang gsungs la/ bcu dgu dang nyi shu nyer gcig gsum la gzim khang nyid du bzhugs par gyur/ de nas zla ba de kha'i nyi shu gnyis kyi snga dro'i cha la mchod pa'i tshogs rgya chen po shoms gsungs nas rdo rje dril bu bsnams te/ rtag 'dzin can rnams kyis rtag par 'dzin pa'i log rtog bsal ba dang / le lo can rnams brtson 'grus chen po la bskul ba dang / des 'dul ba'i sems can rnams 'dul ba'i phyir nam mkha' las sgra dang / 'od dang / me tog gi char 'bab pa la sogs pa ngo mtshar ba'i ltas du ma dang bcas dgung lo zhe drug pa lcags pho 'brug gi lo la lha khang bla brang du mya ngan las 'da' ba chen po'i tshul bstan par gyur to/ /de'i tshe rgya mtsho'i mtha' klas pa'i 'dzin ma chen po ni rnam pa drug tu g.yos par gyur/ nam