[A:128b]zhing / phyis bla ma chos kyi rgyal po la rab tu gus pa'i snyan tshig gis bstod dbyangs tshangs pa'i 'brug sgra zhes pa yang phul ba yin la/ gong ma mi'i dbang pos kyang mkhas pa chen por mnga' gsol ba dang / gnang sbyin gyi skyel bzang po dang bcas gdan sa chen por brdzangs pa'i mi sna bing bing ka'u si dpon g.yog rnams kyis snar thang du phul ces grags te/ de ltar ngo mtshar ba'i cho 'phrul bsam gyis mi khyab pa zhig ston par mdzad cing / gzhan yang mdo khams sgang du gser gyi po ti brgya dang bco lnga dang / stag thog gzhis mo cher mdo mang po sti bzhi bcu gser las bzhengs shing / gzhan yang gdan sa chen por chos rje'i nang rten gser gyi sgo mang dang / de'i bzhugs gnas gtsug lag khang gser thog che ba la sogs pa bzhengs/ mdor na nyin re bzhin yang 'byor pa'i khyad par tshad med pa phyag tu babs pa rnams kyang rang don du til 'bru tsam yang mi 'dzin par/ dkon mchog gsum mchod pa dang / phongs pa rnams la ci dgar sbyin pa 'ba' zhig mdzad pa yin la/ de'i dbang gis 'bras bus dpal 'byor phun sum tshogs pa yang tshad med pa mnga' ste/ snga phyir gsung rab bka' 'gyur kyang tshar drug gis sna drangs pa'i mthun du grub par 'bul ba byung ba'i gser chos nyis stong dang brgya nga bdun gyis gtso byas grangs las 'das pa dang / zang zing yang se chen rgyal pos dngul bre chen stong ra can lan gnyis phul bas thog drangs/ mdor na 'bul ba'i dngos po brjod par mi nus pa lta bu bsam gyis mi khyab pa byung bar grags so/ /gzhan yang tshul