[A:128a]brjid 'od 'bar ba lham me/ gsung grag stong skye ba med pa zab yangs chos kyi 'brug sgra sgrogs bzhin pa lhang nge / thugs bde stong dbyer med pa'i ting nge 'dzin gyi sgo du ma la mnyam par 'jog pa lhan ne bzhugs pa gzigs pa na/ thugs kyi snang ba yang de'i dbang du song nas bya ba gang byas kyang yid la ma zin par bzhugs par gyur cing / de'i mod la chos kyi rgyal pos bsngo ba'i yon bshad rgyas par brjod nas gtsug lag khang de'i yang thog tu bzhugs/ 'dus pa rgya mtsho rnams kyang rang rang gi gnas su 'khod/ de'i tshe bcom ral gyis snar sngar tshor ma myong ba'i dri bzang po ngar ngad ldan pa zhig myong nas/ 'phags pa rin po che bzhugs pa'i rgya phibs kyi 'og rgya dra'i phyi nar phebs te gzigs pas/ gzhal yas khang gi nang na kha thi ding dpon gyi 'bol lnga brtsegs kho na bshams pa bcu drug dang / mchod pa'i bye brag bsam gyis mi khyab pa dang bcas pa 'dug pas/ sngar grog po'i nang na 'dug pa'i gnas brtan rnams dran te/ 'di lta bu'i gang zag la sngar rang rgyud rengs pa'i dbang du song snyam pa'i 'gyod pa dang bcas te/ da ni 'di'i dogs pa dpyad par bya'o snyam pa dang dri bzang rnams ches che bar gyur to/ /de'i mod la gzigs pas khri gdan bcu drug gi steng na 'phags pa'i gnas brtan bcu drug 'khod pa la yan lag bdun pa'i mchod pa 'bul bar mdzad pa gzigs pas/ thugs 'gyod bzhin pas phyag dang bshags pa grangs med par phul/ de tshun thugs zhi dul gyi ngang tshul dang ldan par gyur pa yin