[A:127b]sa gzhi bar snang thams cad ngo mtshar ba'i ltas kyis gang ba byung zhing / spyir nam mkha' la 'ja' 'od dang me tog gi char ni chos kyi rgyal po gnas de nyid du bzhugs pa'i ring la rgyun ldan du byung ba yin no zhes grags la/ snga gong bcom ral zhes pa'i mkhas pa'i dbang po des snar thang na bzhugs bzhin pa mkhas pa'i nga rgyal gyi dbang du song ste/ chos kyi rgyal po'i 'dun sa rnams su dam pa 'dis mdzad pa'i rnam thar thog ma rnams la ni gzigs par ma byon/ nyi ma bcu bzhi pa'i nyin mkhas pa mtshungs bral de'i dgongs pa la/ 'phags pa 'dis khams gsum gyi lha mi thams cad dbang du 'du lugs 'di la dogs pa ma dpyad par bzhag pa ni/ rang nyid kyang ma rungs pa'i gnas su 'gro ba ma gtogs/ gzhan du mi 'gro la dpyad pa'i gzhir 'dug dgongs nas/ de nyin cung zad chas bsgyur ba'i rnam pas phebs pa dang / 'gro ba pho mo phal che ba 'dus tshar ba'i rjes su 'dug cing / de nas rim gyis byon pas/ snar thang gi lho nub mtshams kyi ri gdong gi 'gram grog po'i phug na lab cig dir dir 'dug pa ci yin snyam gzigs pas/ gnas brtan bgres po na bza' kha babs pa bzhes pa bcu drug 'dug de'i tshe 'phags pa 'di gzhan dang mi 'dra ba zhig yin pa 'dug dgongs nas/ thag ring gi ra ri phug phug rnams nas kyang 'di lta bu'i lang tsho mthar phyin pa rnams kyang bskyod nus pa snyam sems bzhin pa'i ngang la chu mig tu phebs/ skye bo phal mo che'i 'khor dang / ngur smrig 'dzin pa'i 'dus pa rgya mtsho'i dbus na bla ma chos kyi rgyal po de nyid sku mtshan dpes gzi