[A:123b]cig gal te'am rgya lam na dad pa dag srid na de'i bsod nams de nyid kyis thob par gyur cig bkol la ma 'dri'i bka' rgya yod do/ /bdag ni dge ba'i bshes gnyen gzhan rnams pas/ khyod la skyabs su mchi lags kyi/ /de ci'i slad du zhe na khyod/ skyon mi mnga' la yon tan rdzogs/ /yon tan rdzogs lugs bshad na ni/ /skye bo phal gyi rnar mi shong / /de phyir rang nyid kha btsums nas/ /lkog nas gsol ba btab pa dga'/ /zhes pa de rnams kyis chos rje bka' gdams pa nam mkha' 'bum gyis mdzad pa'i chos kyi rgyal po'i rnam thar tshan pa gnyis nas 'byung tshul bstan zin nas/ de ltar bdag nyid chen po dpal ldan 'phags pa'i zhabs 'di rgyal po chen po gang gis gdan 'dren pa'i gser yig pa nan ches pa la brten/ shar phyogs na gnas pa'i gdul bya dpag tu med pa la thugs rjes gzigs nas slar yang hor yul du byon pa'i lam bar du dge ba'i bshes gnyen nam mkha' 'bum dang mjal nas chos dang mthun pa'i gsung gleng mang du byung bas/ bka' gdams pa'i bshes gnyen chen po des bla ma 'di'i mdzad pa'i 'phrin las cha shas rnams kyang sa la gnas pa'i byang chub sems dpa'i mdzad spyod dang khyad par gtan med par shes nas yid ches kyi dad pa brtan po thob ste byang chub kyi mchog tu sems bskyed pa la sogs pa zab cing rgya che ba'i chos kyi bka' du ma yang nos te/ de'i bar la bka' gdams pa chen po des bdag nyid chen po 'di'i ngo mtshar ba'i rnam par thar pa rnams yi ge 'bri bar mdzad pa ni gong du bstan pa de dag yin la/ de ltar