[A:123a]kyi me mo yos bu'i lo smin drug zla ba'i tshes bco lnga'i dgongs mo 'dam du chag phebs/ bcu drug gi nub mo nas mjal nas/ nub bdun du dri ba 'di tsho dang / gzhan yang sems bskyed dang bla ma'i rnal 'byor la sogs pas dbu byas pa'i sgrub thabs dang chos dpag tu med pa rang gis ming thon tshad gnang / nyi shu drug gi nang mo mnyam gyes byas/ gnam stong gi nub mo 'chad khar sleb/ mgo'i zla ba'i tshes gcig la go tshod dran pa gso ba'i ched dang / gzhan yang 'phags pa nor bzang gi rnam par thar pa las/ dge ba'i bshes gnyen yid la byed pa dang ma bral bas/ don thams cad 'grub par gsungs pa dang / 'phags pa rtag tu ngu yang 'phags pa chos 'phags dang 'phrad nas shes rab kyi pha rol tu phyin pa thams cad bsdus pa nam thos sems pa yid la byed pa gzhan gang yang ma bgyis pas lam thams cad rgyud la skyes pa dang / po to ba'i gdams ngag nas kyang / man ngag thams cad bsdus pa'i mgo ni dge ba'i bshes gnyen mi gtong ba yin/ de la dad dang byang chub sems sogs kun 'byung yon tan kun gyi gter yin pa la sogs pa gsungs pa dang / mdor na 'jig rten dang 'jig rten las 'das pa'i yon tan thams cad dge ba'i bshes gnyen la brten nas skye ba'i rgyu mtshan dpag tu med pa yod par thos/ cung zad go nas yig rdog 'ga' bris pa 'di snod dang mi ldan pa gzhan gyis mi mthong bar gyur cig sbas kyang mi lag 'chugs nas mthong nas ma dad pa skyes na/ de'i sdig pa bdag rang la smin par gyur