[A:122b]gda'/ gzhan yang dge ba phal gyi cha mthun tshang zhes bya ba la sogs pa chos kyi rgyal po rang nyid kyi rnam thar ngo mtshar can du ma bka' stsal zhing / theg pa thun mong dang thun mong ma yin pa'i zab pa dang rgya che ba'i chos tshul du ma'i rgyas bshad dang don bsdus sogs gang gsungs kyang de kho na la sbyangs pa lta bu'i tshul gyis yun ring du gsungs shing / khyad par sde snod kyi chos kyi rjes la sku la dngos su gsol pa'i bla gos phud nas bdag la gnang / 'di yis rnal 'byor 'grub kyis gsungs/ /zhes sogs gsung bgros dran tsam na/ /bdag gi lus kyi ba spu 'gul/ /gnang ba'i chos gos mthong res kyi/ /mig gi nang nas mchi ma dku/ /khyod mthong gsung thos 'brel 'jog rnams/ /skye nas skye ba thams cad du/ /da ni don dang bcas lags pas/ /dga' bar gyis shig 'bras bu yod/ /khyod la brten nas bdag sogs kyis/ /thugs dang 'gal ba'i nyes pa rnams/ /me dang bral ba'i du ba bzhin/ /nam mkha'i dbyings ltar dag gyur cig /khyod kyi yon tan rgya mtsho las/ /sa rlan tsam zhig gos pa yi/ /dge bas bdag dang 'gro drug rnams/ /bla ma'i zhabs drung skye bar smon/ /zhabs drung skyes nas thugs mnyes te/ /rnam thar thams cad rdzogs bslabs nas/ /skyabs med mgon dang bral ba yi/ /khams gsum sems can sgrol bar shog /dris lan gyi yi ge bral grul rdog po 'ga' zhig po 'di tsho ni shAkya'i dge slong nam mkha' 'bum lo drug cu re gcig lon pa gcig gi bla ma chos kyi rgyal po lug lo pa sum cu so gsum lon pa gcig sa skya pa'i rtsis lugs