[A:122a]pas/ de rgyal po khri srong lde'u btsan la lo tsA ba dgu yod pa'i shes rab che shos lags/ 'jam dpal gyi sprul pa yin de dang dus mtshungs gsungs/ de nas bla ma yan chad la mi rabs du thal zhus pas/ bco lnga bcu drug song nas gda' gsungs/ 'o na chos rje pa 'das tsa na rgya gar shar phyogs mu mu ne'i yul du rgyal po nyi ma'i stobs 'phel gyi sras su 'khrungs pa yin zer ba'i yi ge gda' ba de chos rje pa nyid gsungs pa lags sam zhus pas/ dang po de nga la mi gsungs te/ bi ji sman pa la de skad gsungs skad/ de nas nged kyis zhus pas kyang zhal gyis bzhes te/ mtshams su lo 'ga' skye ba gzhan cig gis bar du gcod par gda'/ da tsam 'khrungs nas lo shas lon pa de skad lags gsungs/ 'o na bla ma la chos mang du thos pa kun gyi tshig don la rtog dpyod thongs pas bla ma'i yon tan rtogs nas 'ong / yun ring du 'grogs pa kun gyis yongs su 'dri ba dang / spyod lam gyi sgo nas yon tan rtogs nas 'ong ba la/ bdag gis chos thos par yang mi 'dug 'grogs pa'i skal ba yang mi 'dug pas/ bla mas sku che ba'i yon tan cig gsung ba zhu dang bgyis pas/ sku che ba'i yon tan ga re ci yod na gsungs nas 'dzum 'dzum bzhugs/ sku che ba'i yon tan de tshe snga ma phan chod sbyin pa btang ba'i zhad du gda'/ gar bsdad bsdad du longs spyod phun sum tshogs par 'ong bar 'dug tshul khrims bsrungs pa'i zhad du gda'/ mi lus gtsang ma thob nas 'dug bzod pa bsgoms pa'i zhad du gzugs bzang zhing mdzes par