[A:121b]lags/ /bgyis pas/ 'jam dpal ser po 'o skol gnyis mi tshe gson skyal du song 'dug de tshe yi ger bris shig gsungs/ yang glang ri thang pa'i blo sbyong tshig brgyad pa bya ba gcig yod par 'dug pa de ci 'dra ba cig yin gsungs pa la/ bdag gi tshig brgyad po shar bas/ de'ang legs pa cig snang bas bris shig gsungs/ yang khyed bka' gdams pa'i lam gyi rim pa de ji 'dra/ de gzhung gang la brten pa yin gsungs pa la/ nged bka' gdams pa'i lam gyi rim pa 'dis/ dal 'byor rnyed dka'/ 'chi ba mi rtag pa/ las rgyu 'bras/ 'khor ba'i nyes dmigs/ byams pa snying rje/ bdag med rnam pa gnyis/ chos sku 'phrin las dang bcas pa gcig ston/ bka' gdams pa'i glang bu nyal sa yin pa/ 'di gang gis 'khrid pa de rtsa ba'i bla ma yin/ 'di'i lta ba gtan la 'bebs pa dbu ma bden chung / bsgom pa gtan la 'bebs pa dbu ma'i man ngag spyod pa gtan la 'bebs pa byang chub lam sgron/ de ltar gzhung gsum po de lam rim gyi rgyab tu 'ong ba lags bgyis pas/ khyed kyi de legs par snang / ngas rin chen sgang pa la lam rim 'di gzhung gang la brten pa lags bgyis pas/ gzhung yo nas 'dren pa lags zer ba gcig las ma byung / spyil phu ba la de skad byas pas/ skyes bu gsum la brten pa lags zer ba gcig byung gsungs/ de lta bu yang mang po gcig gsungs so/ /yang bdag gi bla ma'i pha mes 'khon klu'i dbang po bsrungs pa de dus tshod nam byung / rgyal po gang dang dus mtshungs bgyis