[A:121a]mkhan slob mi mdzad pa'i rgyu mtshan ci yin ma 'tshal/ mi bgyid par gda' zhus pas/ de la bla ma 'di ltar yin nam/ 'di ltar yin nam rgyu mtshan 'ga' gsungs so/ /yang khyod kyis mtshams kyi ring la dge sbyor gyi dam bca' ji ltar bgyis gsungs pas/ nang mo snga bar langs pa nas/ /skyabs 'gro sems bskyed sngon song ba'i/ /chos spyod go rim ma log cing / /sbyor dngos rjes kyis zin pa yi/ /nyin zhag phrugs gcig bya ba la/ /lus kyi sdig pa sbyang ba'i phyir/ /lha phyag nyis brgya bskor ba de/ /ngag gi nyes pa spang ba la/ /dang po ltung bshags bsgrub pa rab/ /don zhags gzungs ring bcu bzhi'i lugs/ /dpal ldan ngan song sbyong ba dang / /rnam dag snying po nyi shu gcig /sdud pa tshar lnga mngon rtogs dang / /mtshan mang mdo lnga tshar re lhag /snying po de bzhin gshegs pa dang / /chos skyong yi dam lha bzhi la/ /brgya brgya yan chad grub tshad re/ /lhag chad skyabs 'gro gsum la brtsi/ /yid kyi sgrib pa sbyang ba'i phyir/ /de rnams bsam pas zin pa dang / /zhen med sgyu ma'i spyod pa yi/ /lam rim thun re ma chag tsam/ /mdo rgyud bstan bcos blta ba dang / /glo bur dang ni rgyun gtor sogs/ /gtor mas lus ngag yid gsum gyi/ /sgrib pa spyi sor sbyang ba yin/ /yan lag bdun pa la sogs pa'i/ /phran tshegs rnams la grangs mi dgos/ /yi ge brgya pas thams cad kyi/ /lhag chad nyams pa ma lus bskong / /de ltar nyin zhag zla ba los/ /tshe phul 'chi khar brod pa gcig /kho bo'i dge sbyor dam bca'