[A:12b]bdag la gsang ba ma legs/ nga nyid la sras yod pas chog bdag la nor mi dgos/ sras kyi yum la nor dgos pa yin zhus nas/ sa skya'i mdun gyi mchod zhing ma gtogs gzhis tsho thams cad zhang mo yum sras la gtad do/ /'di'i mchod zhing la bya phra ma yin zer ba dang / smad zhing yin pa'i tshul gdung rabs dag na mi 'dra bar snang ngo / /rje sa chen gyi yum gyi yul gyi ming la yang mkhar sgo lung ma dag la dkar gong lung zhes pa dag pa yin te/ de'i rgyu mtshan lung pa 'di nyid na gser kha yod pas/ de'i kha bun la dkar gong 'byung bas de'i lung par grags pa yin pas so zhes kyang yig tshang rnying pa 'ga' zhig las 'byung ba yin no/ /de ltar spyan ras gzigs kyi sprul pa rje sa skya pa chen po sogs rigs gsum mgon po'i sprul pa'i gang zag sa phyogs 'dir rgyun mi chad pa 'byon pa dang / de dag gi bsti gnas gdan sa chen po bstan srung dang bcas pa 'byung tshul jo bo rje dang / slob dpon padma sogs kyis lung bstan pa'i tshul ni/ de yang jo bo rje dpal ldan a ti sha bod du byon nas mnga' ris stod sogs su lo gsum bzhugs/ 'brom ston pas spyan drangs te dbus su phebs pa'i mar lam 'brong ngu la'i rtser phebs pa dang / dpon po ri gzigs pas/ de'i ngos la 'brong chen po gnyis rtswa bza' zhing yod pa gzigs/ 'khor rnams la 'di ltar 'dug gsungs/ de ci'i ltas lags zhus pas/ ma 'ongs pa'i dus su ma hA kA la gnyis der 'phrin las mdzad pa'i ltas su 'dug gsungs/ de sa skya pa'i chos skyong gur zhal rnam gnyis la byed pa 'di lung