[A:12a]der bzhugs pas rten 'brel phun sum tshogs pa 'grigs shing / de rjes rim gyis zla grangs tshang ba na/ rje btsun kha'u pa nyid kyi bka' lung la/ da ni 'di phyogs su gdan drongs shig bkur sti rim gro gang drag nga rang gis byed pa yin no gsungs nas yum gyi phru mar phebs shing / de nas re zhig song ba na yab dkon mchog rgyal po dgung lo nga dgur phebs ba na/ anggir zhes pa chu pho spre'u'i lo ngo mtshar ba'i ltas du ma dang bcas brtse ba chen po kun dga' snying po nyid da lta phru ma'i bdud 'dul mchod rten dus 'khor nas bshad pa bzhin sngags 'chang chos kyi rgyal pos gsar bzhengs gnang ba bzhugs pa'i sa 'dir 'khrungs pa yin no/ /de la dgongs nas bar skabs su phyogs 'di na shag sa nyor zhig las gzhan med pa la/ dus phyis phru ma'i dgon gnas ngo mtshar can 'di yang sngags 'chang bla ma de nyid kyis gsar du 'debs par mdzad pa yin la/ de nas jo sras 'khrungs ma thag gnam kha'u pas sku pang du bzhes shing bsngags pa ches cher mdzad de/ /'di ni nges par spyan ras gzigs sam/ byang chub sems dpa' sbyin pa dpal nyid yin la/ rnal 'byor dbang phyug nyid du'ang mi 'gal ba yin no zhes gsungs shing / de nas sku skyed shin tu che bas kun gyis mthong na dga' zhing yid du 'ong ba zhig byung bas mtshan yang kun dga' snying por gsol zhing / re zhig rdo rje phyug mo la gsang ba las/ skabs shig na khong gi shes nas de ma thag 'khon ston chen po la/ nyid kyi brgyud 'di chad du phongs pa yin pas/ zhang mo la sras yod pa de