[A:13a]bstan/ de nas phyag 'tshal sgang du phebs pa dang chibs pa babs nas 'khor rnams la mchod pa shom gsungs nas sa dkar logs la phyag mchod rgyas par mdzad pa la/ 'khor rnams kyis de ltar mdzad pa ci lags zhus pas/ khyed rnams kyis ma mthong ba yin nam/ sa dkar po pha gi logs la dhIHyig bdun dang / hrIHyig gcig hU~M yig gcig rnams 'dug pa la phyag mchod byas pa yin gsungs/ de ci'i ltas lags zhus pas/ ma 'ongs pa'i dus su 'jam dbyangs kyi sprul pa bdun/ spyan ras gzigs kyi sprul pa gcig phyag na rdo rje'i sprul pa gcig ste dgu thog mar 'byon zhing / gzhan yang rigs gsum mgon pa'i sprul pa rgyun mi chad pa gnas pha gir byon nas 'gro ba'i don mdzad pa'i rtags su 'dug gsungs pa dang / gzhan yang slob dpon padmas klong gsal mkha' 'gro snyan brgyud kyi lung bstan las/ kun dga' snying po sa skya lo tsA dang / /bsod nams rtse mo grags pa rgyal mtshan zhes/ /rigs gsum mgon po'i sprul pa gtsang du 'byung / /zhes dang / sa skyar lo tsA kun dga'i ming / /'phags pa'i ming can gnyis byung nas/ /bod 'bangs sems can bde la phan/ /sangs rgyas bstan pa lnga bcu 'dzin/ /'jam pa'i dbyangs kyi sprul pa yin/ /zhes gsungs/ de dag gi don slob dpon rin po ches sa chen la bstod par/ mgon khyod nges par rdo rje 'chang dbang dang / /'jam pa'i dpal las gzhan du yod ma mchis/ /zhes dang / rje btsun chen pos/ 'jam pa'i dpal yang mi yi gzugs