[A:115a]dbang du byas na/ dus gsum gyi sangs rgyas thams cad pha rol tu phyin pa la brten nas sangs rgyas par 'gyur/ bskal pa bzang po 'di la sangs rgyas stong rtsa gnyis sangs rgyas pa yang shAkya thub pa dang gcung mos pa'i bstan pa ma gtogs pa stong tham pa thams cad phar phyin la brten nas sangs rgya/ 'jig rten gyi khams yongs su dag pa rnams na yang sngags kyi sgra tsam yang mi grag par/ lam bde ba la 'jug pa la phar phyin gyi lam 'di yin zhes pa'i go ba nas/ rgyal pa 'das dang ma byon pa/ /zhes gsungs pa lags/ sngags kyi bzhed pas pha rol tu phyin pa rgyu'i lam pa/ sngags 'bru'i lam pa bgyi ba lags pas pha rol tu phyin pa la sa bcu las med/ sngags la de'i steng du rdo rje 'dzin pa'i sa gsum bgrod dgos zer/ pha rol tu phyin pa'i sa bcu'i byang chub sems dpa' de la yang phyogs bcu'i de bzhin gshegs pa rnams kyi 'od zer chen po'i dbang bskur dgos la/ dbang de ma bskur gyi bar la chos sku mngon du mi byed pa yin/ des na 'das ma 'ongs kyi sangs rgyas thams cad sngags sam dbang la brten dgos bya ba yin/ de lta bu'i lung mang / yang na gong gi sdud pa'i/ kun lam pha rol phyin pa 'di yin gzhan ma yin/ bya ba de nyan rang gi lam rnams la gzhan yin zer ba yin/ phar phyin drug gi bshad pa mang / shes rab dang / pha rol dang / phyin pa thams cad kyi 'bru bshad kyang sngags la byas pa yod/ des na lung 'dam gyi phur pa yin gsungs/ 'o na phar phyin drug po 'di sngags na'ang de bzhin mang na/ mdo