[A:115b]sde dang phar phyin rnams kyang mang / byams chos rnams dang bslab btus spyod 'jug skyes rabs la sogs pa bstan bcos phal che ba rnams na'ang phar phyin drug kho nar bsgrigs 'dug pas drug kho nar nges pa'i rgyu mtshan ci yin zhus pas/ bkren la snying brtse/ ma rungs pa la brtse/ /kun 'khrugs la brtse bag med rnams la brtse/ /yul gyi gzhan dbang can la snying brtse ba/ /log par mngon par zhen la snying brtse ba/ /bgyi ba sems can rnams la log rtog drug yod pas/ de'i gnyen po phar phyin drug yin/ yang sems can la skyon nam nyes pa gsum yod/ de'i gnyen por phar phyin gnyis gnyis gsungs te/ dang po kho nar/ 'khor ba las blo mi 'phags pa'i skyon/ gnyis pa 'phags kyang phyir mi ldog pa'i skyon/ gsum pa ma ldog kyang chud 'dza' ba'i skyon bgyi ba gsum yod/ dang po blo mi 'phags pa la/ phyi rol rdzas yo byad la chags nas blo mi 'phags pa'i gnyen por sbyin pa gsungs/ nang sems can la chags nas blo mi 'phags pa'i gnyen por tshul khrims/ de ltar blo 'phags nas theg pa chen po'i chos sgor zhugs tsam na yan lag gi dang po mgo gtong dgos/ dbang po'i dwangs ma mig gtong dgos byas tsa na/ de tsam mi nus snyam nas phyir ldog pa'i nyen yod pas/ de'i gnyen por bzod pa gsungs kyang bskal pa grangs med pa gsum mam dus thug pa med pa'i yun du tshogs gsog dgos byas pas/ de tsam gyi yun nus pa med snyam nas phyir ldog pa'i nyen yod pas de'i gnyen por brtson 'grus gsungs/ phyir ma ldog kyang chud 'dza' ba la