[A:114b]gang zag dad pa'i rjes 'brang bya ba yin te mi bzang / shes rab kyi dgos pa rtog dpyod yin/ bla ma rang sde snod gsum shes pa'i blo gzu bor gnas pa gcig gi drung du bsdad nas skyon btsal yang mi rnyed pa/ sangs rgyas kyi 'du shes ma bsgoms kyang skye ba gcig la bsgoms pas shugs kyis byin rlabs 'jug yon tan skye ba yin gsungs/ yon tan skye ba la bla ma'i byin rlabs dang / slob ma'i mos gus gnyis stobs gang che zhus pas/ thun mong gi yon tan la slob ma'i mos gus stobs che ba'i skabs kyang yod/ mchog gi yon tan la bla ma/ slob ma/ gdams ngag gsum ka'i stobs rab tu 'dzom dgos te/ dper na me rdo/ me lcags/ spra ba skyon med gsum la me 'byung ba ltar/ bla ma byin rlabs kyi bka' brgyud ma chad pa/ slob ma mos gus kyi rten 'brel ma 'chugs pa/ gdams ngag bsre bslad kyi tshig gis ma spags pa gsum 'dzom tsam na yon tan la 'bad rtsol mi dgos par ngang ngam shugs kyis skye ba yin te/ 'di gsum skyon med du 'dzom pa de shin tu dka' bar gda' gsungs/ yang sdud pa nas/ rgyal ba 'das dang ma byon phyogs bcur gang bzhugs pa/ /kun lam pha rol phyin pa 'di yin gzhan ma yin/ /gsungs pa dang / mtshan brjod las sngags/ 'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba'i rdzogs sangs rgyas/ /zhes gsungs pa de gnyis kyi dgongs pa ji ltar lags zhus pas/ 'di gnyis theg pa so so'i dgongs pa 'byin lugs yin pas/ phar phyin pa'i