[A:114a]yin/ srid pa de sems rgyud la las ngan pa btul te ma zad pas sa bon bag tsam cig kyang yod/ des gzhi byas nas ngan song du skye rgyu'i las de gzhi nas gsog tsa na gdod skye ba yin/ gong gi sa bon rkyang pa des skye mi nus/ sa bon de med na'ang las ngan pa bsags pa'i gzhi med pas gnyis ka 'tshogs dgos pa lags gsungs/ 'o na nyan rang gi theg pa chen po ril por spangs pa la ngan song du mi skye ba de ji ltar lags zhus pas/ theg pa chen po spangs pas ngan song du skye ba de dang po theg pa chen po chos yin pa shes pa la/ phyi nas nyon mongs pa 'ga' zhig gis kun nas blangs/ mi dge ba'i bshes gnyen gyis zin nas log lta skyes te ril po spangs pas ngan song du skye ba yin la/ nyan rang kho rang gi grub mtha' brtan pa dang nges par bya ba'i phyir/ theg pa chen po sun 'byin pa yin/ theg pa chen po pa rang gis kyang sems tsam pas dbu ma sun 'byin/ dbu ma pas sems tsam pa sun 'byin te/ rang gi grub mtha' nges par bya ba'i phyir/ grub mtha' gong 'og sun 'byin pa la nges pa med pa yin gsungs/ nyan thos kho rang sangs rgyas cig kyang ma bral bar 'grogs pa la/ theg pa chen po bya ba tshig cig kyang gsungs par nyan rang gi bsngags pa dang che ba gcig pu brjod pa kho rang la nges 'thad nas yod pa yin gsungs/ bla ma la rtog dpyod ye mi byed par dang po nas sangs rgyas su bsgom pa de legs sam/ rtog dpyod byas nas bsgom du btub na bsgom pa de legs zhus pas/ rtog dpyod ye ma byas par sangs rgyas su bsgom pa de