[A:113b]thob pa gcig dgos par gda' ba la/ 'o na sangs rgyas zhal bzhugs pa'i dus na'ang sangs rgyas mthong tshad tshogs lam par 'ong ngam 'on te 'das nas mthong ba tshogs lam par 'ong zhus pas/ de gzhan stobs kyis mthong ba dang / rang stobs kyis mthong ba gnyis lags/ gzhan stobs kyis mthong ba bya ba/ nga'i rgyal po blta bar 'dod pa la/ rgyal po dbus gtsang lta bu gcig tu khong yar 'ongs nas khong blta ba la dka' thub gang yang mi dgos/ mig yod pa tsam gyis khong mthong nas 'ong / de bzhin du sangs rgyas zhal bzhugs pa'i dus na sangs rgyas mthong ba la tshogs lam thob mi dgos/ tha mal pa yan chod thams cad kyis mthong nas yong / rang stobs kyis mthong ba bya ba ma gi lta bur phyin nas rgyal po blta bar 'dod na thag ring po yod/ dka' thub chen po byas nas ma gir slebs tsa na rgyal po mthong ste 'ong / de bzhin du sangs rgyas 'das nas sprul sku zhal mthong ba la tshogs lam thob dgos pa yin gsungs/ tshogs lam pa ngan song du skye ba srid par gda' ba/ de la ngan song du skye ba la mi dge ba stobs can dgos pa 'dug tshogs lam thob pa la ni dge ba stobs can cig dgos par 'dug pas/ tshogs lam pa des tshogs lam thob pa'i dus de rang na'ang ngan song du skye ba'i rgyu las/ de sa bon gyi tshul du kho'i sems rgyud la yod dam/ 'on te kho je dman je dman gyur nas ngan song du skye rgyu'i las de gzhi nas gsog pa yin zhus pas/ de spyir tshogs lam pa phal che ba ngan song du mi skye/ bsod nams kyi tshogs gtso bor gsog pa