[A:113a]gi la khyod kyis tshe snga ma la tshe phril le la ser sna sha stag byas/ tshe gzhug 'chi khar yul byang chub sems dpa' gcig la bsam pa dad nas dngos po rnam dag gcig phul nas 'dug byas pas/ de'i rtags su bla mchod nga 'dra ba dang 'phrad/ longs spyod 'byor ba phun sum tshogs pa 'di lta bu yod kyang / khyod snga ma ser sna la goms pas da dung gtong ye mi nus pa 'di byung ba yin te/ de las 'dres ma las gyur pa'i dpe de 'dra ba cig lags gsungs/ bcom ldan 'das shAkya thub pa sprul mkhan gyi rnam par snang mdzad chen po de dang / rigs lnga'i rnam par snang mdzad 'di gnyis e gcig zhus pas/ de mi gcig rigs lnga brda'i sangs rgyas bya ba yin pas/ sangs rgyas su sangs mi rgya na mi rgya/ rgya phan chod rigs lnga'i bdag nyid du sangs rgya ba yin pas/ sangs rgyas de'i sku la rnam par snang mdzad zer/ gsung la snang ba mtha' yas/ thugs la rdo rje sems dpa'/ yon tan la rin chen 'byung ldan/ 'phrin las la don yod grub pa zer ba yin/ sangs rgyas so so'i 'dul ngo la lnga po de gtso che chung yod/ lnga ka dang mi ldan pa'i sangs rgyas mi srid/ rnam par snang mdzad gang chen mtsho bya ba de/ zhi sku dpag bsam shing ltar gsal gyur cing / /yid bzhin nor bu ji bzhin rnam mi rtog /'gro grol bar du 'jig rten 'byor slad rtag /de ni spros dang bral las snang bar 'gyur/ /bya ba sa bcu'i byang chub sems dpa' rnams kyi snang ba la 'char ba lags gsungs/ shAkya thub pa lta bu sprul pa'i sku zhal mthong ba la tshogs lam