[A:112b]gis bskor nus/ /las kyi shugs kyis de ltar 'ong ba yin gsungs/ bar do gsum gyi sems can gang mang zhus pas/ de srid pa bar do mang gsungs nas rgyu mtshan/ ri bo mchog rab sha'i phung por song yang zhag shas nas 'bu ru chags gsungs so/ /gson gyi las gshin la smin nam mi smin zhus pas/ 'di la bshad pa mang / smin pa'i khung dang mi smin pa'i khung gnyis ka yod de/ bdag rkyen byas pa'i tshul gyis smin la/ rgyu rkyen byas pa'i tshul gyis mi smin pas/ gnyis ka ltar mi 'gal gsungs/ so so skye bo'i mtshan nyid dang nges tshig gang lags zhus pas/ chos nyid dngos su ma mthong ba thams cad so so skye bo yin pa las rang rang gi las mi 'dra ba so so las skyes pas so so skye bo zhes thogs pa yin gsungs/ 'phags pa'i mtshan nyid dang nges tshig zhus pas/ chos nyid dngos su mthong / las dang nyon mongs pa gnyis ka las ring du 'phags pas 'phags pa yin gsungs/ dam tshig gi nges tshig gang lags zhus pas/ dam tshig dag gi nges tshig ni/ /'da' bar dka' bas dam pa dang / /'das na tshig pas tshig ces bya/ /des na 'da' zhes legs par bsrungs/ /bya ba yin gsungs/ spyir las rnam smin dang rgyu mthun gnyis gcig yin pa la/ rnam smin 'byor pa can la rgyu mthun ser sna can dang / rnam smin tshe phril gyi dbul po la rgyu mthun chags zhen ye med pa'ang yong zer ba gda' ba/ de las ci 'dra ba cig las 'byung zhus pas/ de gnyis gcig pa shas che ba yin/ mi gcig pa'i las de/ ngas nga'i rgyal po ma