[A:111b]pas lhag pa sems pa/ de bas lhag pa bsgom pa/ kha ton gyi gong na chos spyod bcu las lhag par bsam bsgom gnyis las med/ khyed mos pa dang mdzad pa de kha ton kho na lhag pa dang / bsod nams che ba gda' yis gsungs/ 'o na 'jam dpal sdud pa lta bu la bsod nams khyad e che zhus pas/ de mi yong so so gang mos pa bsod nams che gsungs/ sdig pa sbyong ba la gnyen po kun tu spyod pa'i stobs gang kho na lhag zhus pas/ de bzhin yin/ spyir chos 'di thams cad sdig pa'i gnyen po kun tu spyod pa yin pa bgyi ba dang / khyad par du gang byas pa'i gnyen po de bsten pa sdig pa'i gnyen po kun tu spyod pa yin pa bgyi ba dang / chos nas bsod nams gang che zer ba byed pa sdig pa'i gnyen po kun tu spyod pa yin pa bgyi ba dang / rang gang mos pa byed pa'i sdig pa'i gnyen po kun tu spyod pa yin pa bgyi ba dang bzhi lags gsungs/ stobs bzhi po la gal gang che zhus pas/ de sdig pa 'dag par byed pa la bzhi ka tshang dgos/ gal sor chud pa bya ba sdig pa phyi ma mi byed par 'phro chod pa 'di kho na gal che gsungs nas gal che lugs kyi bshad pa mang du gsungs so/ /yang chos kyi spun/ rdo rje'i spun/ nye ba'i spun bgyi ba gsum gda' ba de ji ltar lags zhus pas/ skyabs su 'gro ba nas rigs 'dzin gyi bar dang / sangs rgyas kyi bstan pas bsdus tshad de la chos kyi spun zer/ bla ma tha dad kyis dkyil 'khor tha dad du slob ma tha dad la dbang bskur ba la rdo rje spun zer/ bla ma gcig gis dkyil 'khor gcig tu slob ma tha dad la dbang bskur ba la nye ba'i