[A:111a]nams che ba lags gsungs/ sdud pa lta bu klog pa la rin po che dang snag tsha gnyis la bsod nams khyad e mchi zhus pas/ bri ba rgyu'i khyad par/ klog pa tshig gi khyad par/ bsgom pa don gyi khyad par bgyi ba/ klog pa la tshig dag pa dang / bzang ba gang yin bsod nams che ba lags/ dpes khyad par du ma byas/ 'on kyang rin po ches bris/ sku rags na bza' yan chod legs pa dang bzang po yod na gus pa dang gces spras che bar 'ong / de las bzlog na gus pa dang gces spras chung / de tsam gyi cha nas bsod nams che chung bag tsam cig 'ong ba'ang srid pa lags gsungs/ sdud pa lta bu 'don pa la thams cad blo la med pas sdud pa bying po dpe la bklags/ byang chub sems dpa' sbyin pas yid btags sogs gsham gyi tshig kha yar po de blo la yod nas blo las bton na/ gcig gis ni klog par 'dug gcig kha ton du 'dug pas/ de gnyis chos spyod 'dres pa'i nyes pa e mchis zhus pas/ de mi yong chos spyod bcu po re re'i sar bcu ka'i cha mthun 'dres kyang 'dod pa yin gsungs/ 'o na klog pa dang kha ton gnyis la bsod nams khyad e yod zhus pas/ chos spyod bcu dang phar phyin drug la sogs pa 'di thams cad/ snga ma la brten phyi ma bskyed/ /dman dang mchog tu gnas phyir dang / /rags pa'i phyir dang phra ba'i phyir/ /de dag rim par bstan pa yin/ /bgyi ba lags pas snga ma la brten nas phyi ma skye/ snga ma snga ma dman/ phyi ma phyi ma mchog lags pas kha ton lhag chos 'chad pa bas kyang kha ton lhag kha ton