[A:110b]rgyal ba chos kyis gtso byas pa'i dkon mchog gsum la skyabs su 'gro/ nyan thos dge 'dun gyis gtso byas pa'i dkon mchog gsum la skyabs su 'gro ba yin gsungs nas/ de gsum la lung re'ang drangs te/ yang dag par ni 'gro ba yi/ /zhes sogs gsungs so/ /skyabs 'gro gsum po 'di bka' gdams pa'i chos kyi mthil yin/ sngon bka' gdams pa la ming yang skyabs 'gro bar grags/ bdag kyang e 'dra bgyid/ de la bsam bsgom ji ltar zhus pas/ spyir theg pa chen po'i chos thams cad sbyor ba byang chub kyi sems kyis kun nas blangs/ dngos gzhi mi dmigs pa zin/ rjes gzhan don du bsngo ba yin mod/ khyad par sangs rgyas la skyabs su mchi'o byas pas dngos po gzugs can thams cad rang bzhin med par bsgom/ chos la skyabs su mchi'o byas pas gzugs can ma yin pa thams cad rang bzhin med par bsgom/ dge 'dun la skyabs su mchi'o byas pas/ de thams cad dang po'am gdod ma nas rang bzhin med par bsgom zhing bgyid pa lags shig gsungs/ nged kha ton kho na la mos pa lags/ kha ton dang dge sbyor bzlas pa gnyis gang lhag zhus pas/ dbang ma thob pa la kha ton rang lhag par mchi yis gsungs/ kha ton byed pa la sdud pa dang mngon rtogs gnyis bsod nams gang che zhus pas/ sangs rgyas byang chub sems dpa' yi/ /thugs rgyud khyad par gang yin pa/ /de dag gi ni mdzad pa yis/ /tshig la'ang bsod nams khyad de 'byung / /bstan bcos mkhan po'ang thugs rgyud gang mtho mthos mdzad pa de bsod