[A:109a]yang 'jam dpal la mi zhu/ khos sems bskyed byed du 'ong zer ba la/ der bdud g.yo can gcig na re/ da thabs yod 'jam dpal la bcings pa 'di las sgrol bar zhus la/ 'di las grol tsam na khos sems bskyed byed du 'ong ste/ sems bskyed kyi lan mo byas nas btang nas ma bsrungs pas chog zer bas/ de la bdud thams cad khos des 'thad par 'dug zer nas de la 'cham nas/ 'jam dpal la/ bcings pa 'di dag las bdag cag rnams dgrol bar zhu zhes zhus pas/ bcings pa las bkrol tsam na khyed sems bskyed byed dam gsungs/ byed byas nas dam bcas pa dang / 'jam dpal gyis se gol gcig brdabs pas gzugs sngar bas bzang zhing mdzes pa phun sum tshogs par gyur pa dang / de'i rjes kho na la 'jam dpal gyis sems bskyed mdzad pas/ bdud thams cad kyis lan mo byas/ de nas sems bskyed lkog tu btang snyam tsan/ sems bskyed gzugs can ma yin pas/ sems bskyed dang sems nyid 'dres nas btang ma shes/ gtong ma shes pa de phyi ma gtong snying mi 'dod pa'i rgyur song nas/ thams cad sems bskyed dang ldan nas grol bas/ der sems bskyed kyis gang zag ma btang ba yin gsungs nas de'i thog tu lung drangs rgyu gcig kyang gda'/ sa bon gsar 'jog dang rnying 'jog gnyis ji ltar lags zhus pas/ de gang zag la rigs gnyis yod/ snga ma sems bskyed ma byas pa de sa bon gsar/ sngar byed ma myong ba la byas pa de sa bon rnying par cha ba yin gsungs/ mngon