[A:108b]mod/ bslab bya ma bsrungs/ mi dge ba ma spangs na gang zag gis sems bskyed btang ba yin pas/ sdig pa'i rnam smin ngan song du skye ste/ skyes kyang de nas nam zhig thar ba'i tshe/ da ltar gyi sems bskyed byas pa'i sa bon de kun gzhi'i thog tu bag chags bzhag pas/ des sems bskyed phyi ma skye ba'i rgyu byed pas/ sems bskyed kyis gang zag ma btang zhes bya/ de ltar 'ong ba'i rgyu mtshan/ theg pa chen po'i byin rlabs dang / che ba dang / brten 'brel yin no/ /rgyu mtshan gnyis pa 'jam dpal gyis/ bdud dkar po la dga' ba dang nag po la dga' ba'i rigs gnyis yod pa la sems bskyed gyis byas pas/ bdud thams cad ci byas kyang mnyan/ der 'jam dpal gyis se gol gcig brdabs pas/ bdud thams cad rgan pa dang / rgud pa dang / mi mdzes pa'i mtshan ma mtha' dag dang ldan par gyur pas/ da 'di las thar pa'i thabs su la yod ces gleng pas/ thar pa'i thabs shAkya thub pa la yod/ 'jam dpal nyid la yod/ gzhan su la'ang med ces 'cham/ 'jam dpal 'o skol gyi dgra yin zhu ba mi yong / shAkya thub pa la 'di dag las sgrol bar mdzad du gsol zhes zhus pas/ nga lta bu de bzhin gshegs pa ganggA'i klung gi bye ma snyed kyis kyang 'jam dpal gyis bcings pa byas pa las sgrol bar mi nus gsungs nas ma gnang / der dkar po la dga' ba rnams na re/ da lta'i 'dug song na 'o skol rnams las gyong che ba med pas 'jam dpal rang la sgrol bar zhu dgos byas pas/ nag po la dga' ba rnams na re/ 'di bas shi bar song na