[A:109b]par shes pa myur bul ji ltar lags zhus pas/ ji ltar rnam gnas yid la byed pa las/ /mthu grub pa yi dam pa thob par 'gyur/ /bya ba yin pas/ rnam gnas zhi gnas yin/ mthu mngon shes yin/ zhi gnas med pa'i mngon shes mi yong / zhi gnas shas che ba las byung ba de bul/ zung 'jug shas che ba las byung ba de myur ba yin gsungs/ smon 'jug gnyis la dbye ba ji ltar bgyid zhus pas/ chos rje pa'i bzhed pa smon pa'i sems/ smon pa sems bskyed pa/ smon pa khyad par du 'gro ba gsum/ 'jug pa'i sems/ 'jug pa sems bskyed pa/ 'jug pa khyad par du 'gro ba gsum dang drug tu byed gsungs nas bshad pa zhib mo mdzad do/ /smon pa'i thun tshod de nyin mtshan gyi sum cha la byed pa de mthun par gda'/ 'jug pa de dang mnyam mam ring zhus pas/ de bas bag ring / lar 'di dag par 'jog pa yin/ gsal bar byed na nyin zhag phrugs gcig rang la byed de/ dkon mchog gsum la gsum mi mchod na nyes pa bya ba/ nyin zhag phrugs gcig la mchod pa theng gcig ma byas na nyes pa bskyed de/ 'di'i thun tshod du 'ong ba'i shes byed du yod gsungs/ yul byang chub sems dpa' la zhe sdang gis tshigs su bcad pa ma yin pa brjod pa des byang chub sems dpa' de'i tshad ji lta bu gcig yin/ zhe sdang gi tshad gang yin/ tshigs su bcad pa ma yin pa'i tshad gang yin zhus pas/ byang chub sems dpa' dang po sems bskyed kyi cho ga byas nas/ da lta sdom pa yod rung med rung / shi rung gson rung rang gi sdom pa yod par go