[A:108a]ltar gyur ma rig sel ba la/ /skya rengs bzhin du 'dzin gsal mdzad pa yi/ /'khor du grags pa'i sa skya pa la 'dud/ /mkhyen dang brtse bas blo gros mchog tu gyur/ /chos kyi rgyal mtshan 'gro ba'i dpal du shar/ /'phrin las bzang pos gzhan don mdzad pa yi/ /chos rgyal 'phags pa'i sku la skyabs su mchi/ /rus dang gnas dang mtshan dang gsum la mchod kyis bstod/ /nam mkha' 'bum la skyob mdzod 'chad kha thugs kyis bzung / /sngon gyi las dang smon lam gyis/ /khyod dang 'phrad nas zhag bdun du/ /chos dang zang zing longs spyod kyi/ /brtse bas ma bu 'phrad bzhin bskyangs/ /de yis bdag gi spobs bskyang nas/ /'dril bu rtag la mi 'jigs pas/ /dri ba bral grul cal col rnams/ /tha mal mi la lab lab bgyis/ /de la bla ma slar dgyes te/ /mi rigs che ba kun bor nas/ /zhal gyi mdangs ston spyan gzigs te/ /thugs kyi dkyil nas 'di rnams gsungs/ /lags/ chos rje'i gsung la/ sems bskyed mdzad pa'i rjes la phan yon gyi gnas skabs na/ gang zag gis sems bskyed btang yang / sems bskyed kyis gang zag mi gtong gsung ba de la/ dbu ru byang phyogs na de'i tha snyad bsgyur nas sa skya pa la sems bskyed ci byas kyang mi 'chor ba ci yod zer yin/ ma go ba phal gyi sdig gsog par gda'/ de'i dgongs pa ji ltar lags zhus pas/ gang zag gang yang rung ba gcig gis ngas chos rje pa lta bu la sems bskyed kyi cho ga byas nas bslab bya ji lta ba bzhin bsrungs na sangs rgyas