[A:107b]la mdzod rtsa ba gsungs zer/ yang mang ba gcig la mkhas pa 'jug pa'i sgo gsungs/ sems bskyed kyang skabs skabs su mdzad/ sgos chos zhu ba la sogs pa mdor na nyin mtshan med par chos kyi bya ba dang / gsung gleng dang / gzhan la ci phan na snyam pa dang / ji ltar byas na dngos dang brgyud pas gzhan gyi don du 'gyur na snyam pa ma gtogs pa/ rang 'dod dam chos brgyad la sogs pa tshe 'di'i rnam par rtog pa yid la 'gyu mi srid pa/ sems dang chos gnyis dkrug ste 'dres pa'i rten gyi gang zag cig gda'/ 'di la 'brel thogs pa rnams don dang bcas/ thar zin pa dang 'dra snyam pa zhig bdag gi blo la yang yang skye yin gda'/ rgyu mtshan bshad na brjod kyis mi lang ngo / /skye ba dang srid pa thams cad du da lta bzhin du thugs mnyes te bla ma'i zhabs drung du skye bar gyur cig 'khor 'dus pa dang po thob par gyur cig rnam par thar pa mtha' dag la rdzogs par slob par gyur cig de ltar bslabs pa'i 'bras bus bdag gis sems can thams cad mthar bla na med pa'i byang chub rin po che la 'god par gyur cig ces pa de yan gyis chos kyi rgyal po 'phags pa nyid kyi ngo mtshar ba'i rnam par thar pa bka' gdams pa nam mkha' 'bum gyis mdzad pa'i tshan pa gnyis kyi dang po bstan zin nas/ yang de nyid kyis mdzad pa'i chos kyi rgyal po'i rnam thar tshan pa gnyis pa las 'byung tshul bshad par bya ste/ de yang 'di ltar/ bla ma dang 'jam pa'i dbyangs la sgo gsum dwang ba'i sgo nas gus par phyag 'tshal lo/ /sdig sgrib dang 'khon yon tan skye ba'i rten/ /sa gzhi