[A:106a]dang / snyigs ma'i dus na sngags kho na bsngags pa'i bsngags lugs dang / rgya gar gyi grub thob rnams kyang sngags la brten nas grub pa thob pa yin lugs la sogs pa sngags kyi zhal zin ches che ba'i chos thun chen po gcig gsungs nas kun gyes so/ /bdag gis sngar nas bla ma'i rnal 'byor zhu dgos bgyis nas bdog pas/ khyed rang der bzhugs shig gsungs nas/ bla ma khri'i 'og tu gdan gcig gi steng du byon/ mchod pa legs par bsham/ bka' gdams pa 'di bla ma'i rnal 'byor zhu bar gda' bas/ khyed rnam pa gnyis zhur 'jug pa lags/ 'di gnyis sne'u thog pa'i dge bshes lags gsungs tsa na/ dge bshes de gnyis mdun du bzhugs/ bdag 'bol gcig gi khar khyed 'dir bzhugs gsungs nas de la rjes zlos bya rgyu cig kyang gda'/ bla ma'i rnal 'byor la rgyas bsdus gsum yod pa'i 'di rgyas shos yin no gsungs nas bshad pa mang po mdzad do/ /de thon ma thog phyag gru mo 'bur 'bur 'dug tsa na sku lus la chos gos phud nas khyed 'di gsol cig 'di'i bla ma'i rnal 'byor 'grub par byed pa yin gsungs nas bdag la gnang nas/ khyed gnyis la nged la med sems pa srid de/ khyed rang gnyis kyis sgrub pa ma byas pas lan pa yin gsungs nas zhal skyal yang mdzad do/ /skabs der ston pa chos mgon der byung bas yas der bzhud par byas min nam byas/ 'gro bar byas lags zer/ de 'thad/ mi chos la gtad pa med/ bla mas gnang ba byung yang gnang / nga gsha' ma min/ bla ma 'di 'dra'i