[A:105b]bdag gis ngan song sbyong ba gnyis dang / bka' gdams lha bzhi dang / sman bla dang / tshogs bdag dang / chos skyong dang / yi ge brgya pa dang / yi ge gcig ma dang / de lta bu mang ba gcig la bdag la lung yang yod/ lag len yang byed pa yin te/ byin rlabs myur du re ba lags pas de thams cad la yang lung re zhu bgyis pas gnang ngo / /de nas nyer bzhi'i nub mo mar 'gro rnams kyi kha ba ches pas mi rta yo gro nas cha/ bla mas rwa sgreng lta bu gcig tu chos gsungs/ gzhan rnams zhag shas rta gso dgos byas nas zhus pas ma gnang skad/ nad pa gnyis kyi rtsar yang byon dgos par byung nas gda'/ de nas nyer lnga'i nub mo dpon gyi drung du bzhag dro drangs/ bla ma pa dang nged kyi lo rgyus zhib par byung gsungs nas/ 'ja' sa legs pa gcig gnang nas yig mkhan 'di la gser zho re dgos pa yin te/ khyed dge sbyong bar gda' bas mi zhu ba lags gsungs nas thugs la btags so/ /de'i dgongs mo shog gsungs nas phyin/ nyi ma mdung gang tsam gyi dus yin/ de tsam na bka' gdams pa la sogs pa phal gyi zin pa la phying gur chen mo gcig gi nang du mi chen nyis brgya tsam pa gcig la theg pa spyi'i babs ji ltar yin pa dang / bye brag grub mtha' so so'i bzhed lugs dang / khyad par bstan pa 'di'i snying po sngags yin lugs dang / pha rol tu phyin pa drug po'i bshad pa'ang sngags kho na mang lugs dang / phar phyin drug dang / mtshan nyid gsum dang / bden pa gnyis dang lam rim pa gnyis rnams go na khyad par med lugs