[A:106b]zla la 'gror yod pa 'tsheng ba yin/ yas dug yod zer ba'ang ma yin te/ po to ba'i zhal nas mi yas se ba phyo re ba gcig rta bzang po zhon/ gro brgyags bzang po blo la btags/ grogs bzang po dang 'grogs nas sna bstad bzang po'i sar 'gro ba lam ji tsam thag ring bas dga' ba yin lo byas pas/ gtam rgyud de da dung skyor cig gsungs nas dpe don zhib par bshad do/ /de nas bdag nye gnas pa gcig la gtad nas dpe 'di jo gdan de'i yin pas bskur bas mi yong ba yod/ khong nga'i gzims gur du gdan drongs snag shog tshol la mar me'i 'od la gsol 'debs 'di 'brir chug cig nga dpon chen pa'i der 'gro dgos par snang gsungs nas bla ma bzhud do/ /bdag nye gnas gcig gis gzims gur du khrid nas yig dpe bshus tsam cig bris zin/ nam phyed tsam song tsa na bla ma rgyang ste byon pas/ bka' gdams pa nga'i gzims gur 'dir 'gro ba min nam gsungs/ 'gro lags bgyis/ de nas mngon pa ba/ sne'u thog pa gnyis/ 'dul 'dzin chos mgon/ bdag dang lnga la khyed rnams gal che shos yin 'di ma byas na dpon slob sha mi phebs pa yin gsungs nas tshogs 'khor rgyas pa cig mdzad/ de la'ang cho ga dang gdams ngag mang po gda'/ de'i ring la yang gsung gleng mang po mdzad/ bdag la khyed rang de kho nar gzims shig gsungs nas/ bla ma'i gzims mal la yol ba btang nas de rang du nyal ba yin te/ rten dang bla ma thag nyes pas bsdams pa ltar song nas gnyid ye ma byung / nam langs nas khrus la phyin pa'i